حشرات الارض قزئتی

حشرات الارض — تبریزده نشر اولونموش ساتیریک قزئتلردن بیری ایدی[۱]

تاریخی

قزئت 1908-جی ایلده، حاجی میرزه آغا بلوری طرفیندن تبریزده نشره باشلامیشدیر[۱]. هفته لیک نشر ائدیلن بو قزئتده رنگلی، یوموریستیک شکیللره ده راست گلمک اولوردو. آذربایجاندا «آذربایجان»درگیسیندن سونرا «حشرات الارض» ایکینجی ساتیریک مطبوع اورقانی ایدی. قزئتده رساملیق ایشلرینی بهزاد طاهرزاده یئرینه یئتیریردی. اونون کاریکاتورلاری گولوش و مسخره حیسی دوغورور ازیجی و آییلدیجی کاراکتر داشیییردی. بو کاریکاتورالار محمدعلی میرزه دن توتموش ان آشاغی وظیفهلی دؤولت مأمورلارینا قدر، هامینین جانینا ولوله سالیردی. بو رسملرین مؤلیفی بهزاد طاهرزاده اؤز خاطیره لرینده یازیردی:

بیر گون مشروطه اینقیلابیندان صؤحبت گئدرکن قارداشیم صؤحبتآراسی دئدی کی، مرندشهرینده پولیس طرفیندن معلوم اولدو کی، مأمورلار شاهین کاریکاتورونو چکمیش بیر رسامی آختاریرلار. «حشرات الارض»ده چاپ اولونموش بو کاریکاتوردا شاه تیسباغایا بنزهدیلمیشدی. اگر اونو منیم چکدیگیمی بیلسیدیلر، شوبهه سیز توتوب اعدام ائدردیلر».

اتک یازیلار

1. Pərvanə Məmmədli. Cənubi Azərbaycan mətbuatı tarixi.Bakı: "Elm", 2009, səh. 43. (azərb.)

ملانصرالدین (Molla Nsrddin)...