دللک

دللک

جلیل محمدقولوزاده

... نسکي کوچهده قاري نوهسي جوققولو دللک دوکانيني آچيب، بير آزدان سونرا دللک دوکاني دا سهواً دؤنوب اولوب قومارخانا. ايمدي اگر جوققولو قومار اويناتماسا، شَتَل پولو جيبيندن چيخاجاق. اگر اويناتسا، دللکليگي ياددان چيخاجاق. اودور کي، همي قومار اوينادير، همي باش قيرخير. دئمهلي، هر بارهده ده قيرخير.

(هلهليک قولاق وئرين)

بير دللک ايديم، قيرخارديم گونده بئش-اون باش،
دللک دوکاني اؤزگهيه کارخانهيه دؤندو.
هر نه قوچو وار شهرده جمع اولدو تامامي
آخيردا دوکان زور قومارخانهيه دؤندو.

دللکليگين هئچ يوخدو منه خئيري اوّلدن،
بير باشي يولونجا دوشور اينسان داها الدن،
لاپ اوزدوم اليمي داها من بو پيس عملدن،
قيرخ آلتي مانات پول ييغيم گونده شتَلدن،
داخمام ووروب آخير يئکه کاشانهيه دؤندو.

اون بئش ايل اولار اولکي چم ايله يولورام باش،
دايم آج ايديم، تاپمايير ايديم سولو بوزباش،
ايمدي چوخاليب پول، يئييرم هر گئجهده آش،
اوّلجه قومارخانه آچايديم دوکاني کاش،
دللکليک ائويم ييخدي کي، ويرانهيه دؤندو،
تيکديم اونو شيمدي يئکه کاشانهيه دؤندو.

ملانصرالدین (Molla Nsrddin)...