اویانمادیم

اویانمادیم,

جلیل محمدقولوزاده

درهده یاتمیش ایدیم، اویاتدیلار، اویانمادیم,،
بورنوما تیکانلاری اوزاتدیلار، اویانمادیم,،
بومبا پارتا-پارتنان، توپ آتدیلار، اویانمادیم,،
ساققالیمدان بیر اوووج قوپارتدیلار، اویانمادیم,.
موختصر، هر بیر عمل چیخارتدیلار، اویانمادیم,.
شهریمیزده جمع اولوب جاوانلار ناز ایلن گلیب،
قومارباز، اوشاقبازلار ماتوشکاباز ایلن گلیب،
مار، مئیمون اوینادان صؤحبت و ساز ایلن گلیب،
موطریی-خوش لهجهلر پک خوش آواز ایلن گلیب،
موختصر، هر بیر عمل چیخارتدیلار اویانمادیم,.
قاریشدی آرالیقلار، قوپدو محشر قیامتی،
موسلمانلار بیر-بیرین قیردی اونودوب غئیرتی،
هر گلن عالیم اولوب چاپدی، تالادی میلّتی،
من یوخودا اول زامان چکیردیم راحت لذتی،
بورنوما تیکانلاری اوزاتدیلار، اویانمادیم,.
گؤردولر، یوخلامیشام، هر کس سینادی گوجونو،
آتلی آتین اوستومه، قورباغا سالدی قیچینی،
هوپپانیب آراز بو تای ییغیب درهنین بیجینی،
حیله بازلار توتدولار بوتون قافقازین ایچینی،
ساققالیمدان بیر اوووج قوپارتدیلار، اویانمادیم,.
بیز فقیره آخیر رحم ائیلهییب بیگانهلر،
آچدیلار مدرسهلر، کلوب، قیراتخانهلر،
یازدیلار کیتاب، قزئت، خرج ائتدیلر خزانهلر،
"موللا نصرالدین" دئدی هر هفته بیر افسانهلر،
موختصر، هر بیر عمل چیخارتدیلار، اویانمادیم,.